Nabunyag na pinakakalas ng “Magnificent 7” sa alyansa sa Duterte administration ang kanilang mga kasamahang kongresista sa liberal party o LP.
Ayon kina Representatives Teddy Baguilat, Edcel Lagman at Raul Daza, ilan sa mga kasamahan nila ay naatasan na kausapin ang iba pang LP members na kasalukuyan nang kaanib ng supermajority.
Inamin naman ni Baguilat na mahirap na proseso ang kanilang ginagawa sapagka’t maraming isasakripisyo ang mga LP congressmen tulad ng chairmanship at iba pang posisyon sa komite ng mababang kapulungan.
Sinasabing mayroong tatlumpu’t apat na natitirang LP solons kung saan lima rito ay nasa minorya habang dalawampu’t siyam naman ang nasa supermajority.
Una nang iginiit ni House Speaker Bebot Alvarez na welcome ang mga miyembro ng LP na kumalas sa alyansa, bagay na nagpapalakas ng hinala na itinataboy na ang mga ito.
By Jelbert Perdez
