Handa na para sa pagsisimula ng kampanya ang mga senador na tumatakbo para sa national position para sa Eleksyon 2022.
Ilulunsad ng tambalan nina senador Ping Lacson at Tito Sotto III ang kanilang kampanya sa Cavite, ang tinaguriang ‘The Land of the Brave’.
Mahigpit na ipatutupad ang mga public health at safety protocols sa Imus grandstand gaya ng social distancing, pagsusuot ng face mask, at rapid antigen testing kung kinakailangan, alinsunod sa rekomendasyon ng mga awtoridad.
Sa General Santos City naman ang opening salvo ng kampanya ni senador Manny Pacquiao, kung saan magsasagawa sila ng caravan at proclamation rally sa oval stadium ng Gensan.
Plano namang magsama sama sa kampanya ng mga re-electionist na sina senator Juan Miguel Zubiri, Win Gatchalian, Joel Villanueva at dating Senator Jayvee Ejercito.
Habang si senator Risa Hontiveros ay nakatakda namang sumama sa kampanya ng tambalan nina vice president Leni Robredo at senador Francis “Kiko” Pangilinan.—mula sa ulat ni Cely Ortega-Bueno
