Hinikayat ng Catholic Bishops Conference of the Philippines o CBCP ang mga Katoliko na makibahagi at tapusin ang siyam na araw ng simbang gabi.
Ayon kay Father Jerome Secillano, Executive Secretary ng CBCP, ang simbang gabi ay siyam na araw na nobena para sa Birheng Maria at pagpapakita ng ating sakripisyo at pakikipagtipan sa Diyos.
Kaugnay nito, nanawagan din si Secillano sa mga nagsisimbang gabi na huwag isisi sa mga pari ang kanilang pagka-antok sa misa.
Bigyang diin nito na hindi naman mga entertainer ang mga pari at dapat mismong ang nagsisimba ang gumawa ng mga paraan upang hindi antukin sa misa.
Sinabi ni Secillano na sinisikap naman ng mga pari na gawing masaya at buhay ang kanilang homiliya.
Kasabay nito, may mensahe rin si Secillano sa mga Katolikong binubuo ang simbang gabi para sa kanilang wish o kahilingan.
