Dinismiss ng Department Of Justice ang kaso laban sa mga Airport Police at Security Personnel ng paliparan, kaugnay sa pagtatanim ng bala at pangingikil kay Leigh Michael White.
Ayon sa desisyon na sinulat ni Justice Asst. Prosecutor Atty. Honey Rose Delgado, ito ay dahil hindi nakitaan ng probable cause ang kaso.
Sinabi ni Delgado na bagamat nakita sa CCTV na may iregularidad sa ikinikilos nina Maria Elma Cena at Martin Garcia, hindi naman nakita ang aktwal na paglalagay ng bala.
Abswelto din sa kaso sina Police Chief Insp Adriano Junio, SPO4 Ramon Bernardo, SPO2 Rolando Clarin at SPO2 Rommy Navaro dahil sa kawalan ng indikasyon na tinangka ng mga ito na kikilan ng 30 Libong Piso ang dayuhan.
By: Katrina Valle
