Pinababantayan ni Interior and Local Government Secretary Eduardo Año ang galaw ng mga kandidato partikular na sa lokal na posisyon hinggil sa pamamahagi ng anumang uri ng ayuda.
Ito’y ayon sa Kalihim ay dahil sa maituturing nang vote buying ang pamamahagi ng ayuda ng mga kandidato lalo na iyong mga incumbent na re-eleksyunista ngayong Halalan.
Ayon kay Año, magsasampa sila ng kaukulang kaso laban sa sinumang kandidatong mamamahagi ng ayuda lalong lalo na iyong ginagamit pa ang sasakyan ng Pamahalaan para ipanghakot sa kanilang mga tagasuporta.
Salig aniya sa umiiral na Omnibus Election Code, bawal na ang pamamahagi ng ayuda maliban na lamang sa Department of Social Welfare and Development (DSWD) na una nang pinayagan ng Commission on Elections o COMELEC.
Mayruon aniyang Comelec Campaign Committee o Comelec Election Campaign Committee na siyang tututok sa lahat ng mga reklamong may kinalaman sa eleksyon laban sa lahat ng mga kandidatong lalabag sa pinaiiral na mga panuntunan.
