Mahigit 4,000 slots para sa aplikasyon ng Transport Network Vehicle Service (TNVS) ang bubuksan ng Land Transportation Franchising and Regulatory Board simula sa January 9, 2023.
Ayon sa LTFRB, maraming pasahero ang nahihirapang mag-book ng masasakyan dahil sa kakulangan ng TNVS units na kasalukuyang nasa 7,000 lamang.
Ayon kay LTFRB Technical Division Head Joel Bolano, ang mga aplikante ay dapat na magkaroon ng accreditation sa isang Transportation Network Company (TNC), kung saan ito na ang bahalang magsumite ng aplikasyon sa ahensya.
Pahihintulutan ng LTFRB ang mga TNC na magkaroon ng 100 applications at hanggang tatlong accredited vehicles sa bawat indibidwal.
Sinabi naman ng LTFRB na walang deadline para sa nasabing aplikasyon.