Hindi kumbinsido ang mga kaanak ng nasawing biktima ng pamamaril sa Mandaluyong City na si Jonalyn Ambaan sa resulta ng paraffin test na nagpapakita ng presensya ng gunpowder sa kanyang kanang kamay.
Ayon kay Marnie Canuto, kaanak ni Ambaan, walang baril si Jonalyn kaya’t imposibleng masangkot ito sa barilan.
Inihayag naman ni Aries Aluad na maaaring may ginawang kalokohan sa katawan ng kanyang hipag na si Jonalyn kaya’t nagpositibo ito sa parafin test.
Samantala, kapwa umaapela sina Canuto at Aluad kay Pangulong Rodrigo Duterte upang malutas ang kaso.
Bukod kay Ambaon, napatay din sa insidente ang kanyang kasamang si Jomar Hayawon matapos pagbabarilin ng mga pulis ang kanilang sasakyan sa pag – aakalang ito ang getaway vehicle ng bumaril kay Jonalyn noong Disyembre 28, 2017 sa Barangay Additional Hills.
