Kinumpirma ng National Disaster Risk Reduction and Management Council (NDRRMC) na mayruon na silang napaulat na casualty bunsod ng pananalasa ng bagyong Odette.
Batay sa SitRep number 3 ng NDRRMC ngayong 8am, 1 ang napaulat na nasawi habang 2 ang sugatan subalit hindi pa inilabas ang detalye dahil ito’y sumasailalim pa anila sa masusing validation.
Gayunman, aabot sa 83,036 na pamilya o katumbas ng 332,855 na indibiduwal ang isinailalim sa pre-emptive evacuation sa Eastern, Central at Western Visayas gayundin sa Zamboanga Peninsula at CARAGA.
Habang aabot naman sa 11, 859 pamilya o katumbas ng 41, 434 na indibiduwal ang apektado rin ng bagyo sa rehiyon ng Bicol, Western at Eastern Visayas, Northern Mindanao at CARAGA. —sa ulat ni Jaymark Dagala (Patrol 9)
