Target ng DENR o Department of Environment and Natural Resources na buwagin ang mga informal settlers sa isla ng Boracay sa mga susunod na linggo.
Ito’y ayon sa kalihim makaraang madiskubre nila na ang mga ito ang isa sa mga dahilan ng pagdumi ng tinaguriang Most Visited Tourist Destination sa bansa.
Kasunod nito, sinabi ng kalihim na aabot sa 56 mga establisyemento ang kanilang ipasasara kabilang na ang ilang hotel, restaurant at mga transient houses sa isla.
Magugunitang binigyan ng anim na buwang palugit ni Pangulong Rodrigo Duterte ang DENR at ang DOT o Department of Tourism para linisin ang Boracay at nagbantang ipasasara ang isla kung hindi ito matutupad.
Posted by: Robert Eugenio