Pinasasalang ni Presidential Chief Legal Counsel Salvador Panelo sa crash course sa batas ang mga hindi abogadong Senador bilang paghahanda sakaling magtuluy tuloy ang impeachment case laban kay Supreme Court Chief Justice Maria Lourdes Sereno.
Ayon kay Panelo malaking bagay na makapaghanda ang mga Senador na walang background sa abogasya para alam nila ang gagawin sakaling gumulong ang impeachment proceedings.
Sinabi ni Panelo na mahalaga ring huwag magpadala sa agos at impluwensya ng publiko ang mga Senador at panindigan ang posisyon sa impeachment.
Naniniwala ang Palasyo na maraming natutunan ang Senador sa impeachment proceedings kay dating Chief Justice Renato Corona at makakakuha ang mga Senador ng puntos sa sandaling muli silang maging hukom sa impeachment.
