Mas produktibo ang mga empleyado sa ‘work from home’ setup ngayong may COVID-19 pandemic, batay sa survey ng Development Academy of the Philippines.
Ayon kay Commissioner Aileen Lizada ng Civil Service Commission, 14% ng mga Pilipino ang 100% nakagagawa ng kanilang trabaho habang nasa alternative working arrangement.
Nasa 46% ang naka-kukumpleto ng 90 hanggang 100% ng kanilang trabaho at 33% ang nakatatapos ng 50% hanggang 89% ng kanilang mga trabaho.
Tinaya naman sa 7% ang nagsabing hindi pa aabot sa 50% ang natatapos nilang trabaho.
Tinukoy anya ng mga empleyado ang mabilis na internet connectivity; epektibong communication system at pagkakaroon ng technology tools bilang factor sa pagiging produktibo sa trabaho o maka-adopt sa alternative work arrangements.
Karamihan sa mga manggagawang naka-adopt ay mula sa sektor ng policy planning, communication and information services, research at general administrative services.—sa panulat ni Drew Nacino
