Bukod sa mga tsuper, jeepney operators at meat vendors, ramdam narin ng mga carinderia owner ang epekto ng sunod-sunod na pagsirit sa presyo ng produktong petrolyo.
Bukod kasi sa mataas na presyo ng langis ay tumaas nadin ang presyo ng Liquefied Petroleum Gas (LPG) na maglalaro sa P1,300 hanggang P1, 400 sa kada 11 kilo.
Nagtaas narin ng P20 ang dagdag sa kada kilo ng baboy na isa sa pangunahing ginagamit sa mga karinderia.
Ayon kay Mary Jane Ramos, owner ng isang carinderia, nababawasan ang kanilang customer na karamihan ay mga tsuper ng jeep at mga taxi driver.
Ayon kay Ramos, nagtitipid na ang mga tsuper at hindi na kumakain sa mga carinderia dahil sa mataas na presyo ng langis dahilan para malugi ang kanilang negosyo.
Sa ngayon, dumidiskarte nalang ang mga negosyante kung paano mapapanatili sa murang halaga ang kanilang mga nilulutong ulam.
Kung patuloy umanong tataas ang presyo ng langis, lpg at mga pangunahing bilihin sa merkado, mas lalong kokonti ang kanilang customer at hindi malabong sa mga susunod na linggo ay tuluyan na silang magsara dahil sa pagkalugi. —sa panulat ni Angelica Doctolero
