Kulang umano sa implementasyon sa mga batas laban sa smuggling sa bansa.
Ito ang inihayag ni Pork Producers Federation of the Philippines matapos ang magkakasunod na pagkakasabat ng Bureau of Customs sa daan-daang milyong pisong halaga ng mga agricultural products.
Kung naipapatupad lamang anila nang maayos ang mga batas laban sa smuggling ay maraming mga magsasaka ang makikinabang.
Iginiit din ng mga magbababoy na dapat magtalaga ng Anti-Smuggling Task Force ang gobyerno kung saan kasama ang BOC, Department of Agriculture, iba’t ibang leader ng agriculture sector upang mabantayan at mapigilan ang talamak na smuggling. —sa ulat ni Aya Yupangco (Patrol 5), sa panulat ni Drew Nacino
