Dismayado ang Knights of Rizal sa desisyon ng Korte Suprema hinggil sa pagpapatayo nang tinaguriang pambansang photo bomber na Torre de Manila condominium na nasa likod ng Rizal Monument.
Gayunman, sinabi ni Ilocos Sur Vice Governor Jerry Singson, Supreme Commander ng Knights of Rizal na kailangang igalang ang desisyon ng High Tribunal kayat wala rin silang magagawa nang ibasura ang kanilang petisyon.
Kasabay nito, nagpasalamat si Singson sa mga Pilipinong sumuporta sa kanilang laban hinggil sa nasabing usapin.
Magugunitang siyam (9) na mahistrado ng Korte Suprema ang bumoto para ituloy ang pagpapatayo ng nasabing condominium.
By Judith Larino | with report from Bert Mozo (Patrol 3)
Photo: CNNPH
