Pinahahanap ng Department of Health (DOH) ang mga batang naturukan noon ng dengvaxia.
Ito ang ipinag-utos ni Health Sec. Francisco Duque III sa regional dir. ng Calabarzon na si Dr. Eduardo Janairo na siya ring itinalagang mamuno sa dengvaxia task force para aniya bantayan ang kanilang kalagayan ngayon.
Aminado naman si Janairo na hindi ito magiging madali dahil ang iba ay wala aniyang nakalagay na address, lumipat na ng ibang rehiyon at ang iba ay wala sa listahan.
Una rito, inihayag ng DOH ang kanilang pagiging bukas sa paggamit ng dengvaxia bilang bakuna kontra dengue bagamat ito ay kailangan pang dumaan sa masusing pag-aaral.
