Pinababalik ng embahada ng Pilipinas sa mga rehistradong Pilipinong botante sa Wellington sa New Zealand, ang mga balotang may nawawalang pangalan ng kandidato.
Ayon sa Philippine Embassy, nakatanggap sila ng impormasyon na may ilang balota ang hindi kumpleto ang listahan ng kandidato para sa eleksyon 2022.
Ikinabahala naman nila ang nangyari kaya agad inatasan ang mga Pilipinong ibalik sa kanilang opisina ang mga balota.
Muli namang tiniyak ng Philippine Embassy ang pagiging tapat sa integridad ng eleksyon tungo sa maayos na halalan.
