Sinimulan na ng Mechanized Infantry Division o MID ng Philippine Army ang pag-testing sa 28 “high tech” armored vehicles sa Camp O’donnell sa Capas, Tarlac.
Ayon kay Defense Secretary Voltaire Gazmin, ang mga bagong bibilhing sasakyang pandigma mula sa Israel ay maaaring magpalakas sa pwersa ng militar.
Ang mga naturang armored vehicles ay nagtataglay ng mga armas na maaaring paputukin sa pamamagitan ng remote control.
Nilinaw naman ni Mid Commander Maj. Gen. Mayoralgo Dela Cruz na ito’y bahagi pa lamang ng test at evaluation process at hindi pa tiyak kung tatanggapin o hindi.
By: Jelbert Perdez
