Napagkasunduan ng mga alkalde sa NCR na irekomenda sa Inter-Agency Task Force on the Management of Emerging Infectious Diseases na alisin na ang mandatoryong pagsusuot ng face shield.
Ayon kay MMDA Chairman Benhur Abalos, nagkaisa ang NCR mayors na gawin na lang na requirement ang face shield kung nasa loob ng “critical areas” tulad ng mga ospital, health center at Public Utility Vehicles o PUVs.
Iginiit din ni Abalos na marami na ang bakunado sa rehiyon at mababa na ang kaso ng COVID-19.
Mababatid na simula noong Disyembre 2020 ay ipinatupad ng IATF ang mandatory na paggamit ng face shields upang mapigilan ang pagkalat ng COVID-19.—mula sa panulat ni Hya Ludivico
