Binabantayan ng Meralco ang nakaambang dagdag-singil sa kuryente ngayong buwan bunsod ng inaasahang pagtaas sa transmission charge, ayon sa tagapagsalita nitong si Joe Zaldarriaga.
Ipinaliwanag niyang tumaas ang presyo sa reserve market, dahilan ng pagtaas sa transmission charge, ngunit wala pa ang final figures para sa generation charge—ang pinakamalaking bahagi ng kabuuang singil.
Inaasahang magkakaroon ng linaw sa halaga ng dagdag-singil sa pagtatapos ng linggo. Noong Mayo, bumaba ang singil ng halos piso kada kilowatt hour.
