Sinabon ni Senate Blue Ribbon Committee Chair Richard Gordon si Immigration Commissioner Jaime Morente makaraang makapasok sa bansa ang may 35 menor de edad na Chinese national na hawak lamang ang mga tourist visa.
Ang mga dayuhang menor de edad na ito ay kabilang sa mahigit 1,000 Chinese national na iligal na nagtatrabaho sa casino na pag-aari ng Chinese businessman na si Jack Lam.
Giit ni Gordon, mistulang naging masyadong maluwag ang immigration dahil sa madaling nakapasok sa kabila ng pagbabantay ng ahensya ang naturang mga menor de edad.
Binigyang diin ni Gordon na dapat maghigpit ang immigration lalo’t sila ang nagsisilbing gatekeeper ng bansa.
By Ralph Obina
