Nagpaabot ng madamdaming mensahe si Megastar Sharon Cuneta para sa ika-37 kaarawan ng panganay na anak na si Kc Concepcion.
Sa isang Instagram post, ibinahagi ni Sharon ang ilang throwback photos nila ni KC at sinabing mananatili siyang ina nito anuman ang maging desisyon nito sa buhay.
Aminado ang Megastar na marami silang pinagdaanang hindi pagkakaintindihan ni KC at sinabing wala itong kasalanan sa pagkasira ng kanilang pamilya noon ng dating asawa na si Gabby Concepcion.
Nakasaad sa huling bahagi ng message ni sharon ang, “I love you, Kristina. god bless you and guide you through your life, my beautiful big girl. one day, we will all be together and it will all be wonderful again. Have a beautiful birthday!”
Samantala, ibinahagi naman ni KC sa kanyang IG account na ipinagdiwang niya ang kanyang kaarawan sa isang shooting set sa New York, kung saan ibinunyag nito na bumalik na siya sa pag-arte.