Binanatan ni Agriculture Secretary Manny Piñol ang mismong communications group ng palasyo ng Malakaniyang.
Ayon sa Kalihim, mahina ang media handling ng palasyo kay Pangulong Rodrigo Duterte dahil napag-iiwanan ito at mabagal sa paglalabas ng mga istorya na may kinalaman sa Pangulo.
Ginawa ni Piñol ang pahayag makaraang batikusin ang pangunguna ni Pangulong Duterte sa pagiging pinaka-maimpluwensyang tao sa mundo na ginawa ng prestihiyosong Time Magazine.
Bilang dating mamamahayag, sinabi ni Piñol na malabong na-mamanipula ang isang online poll tulad ng Time Magazine at ang pangunguna ng Pangulo ay patunay lamang ng maigting na suporta ng masang Pilipino sa Pangulo.
By: Jaymark Dagala / Cely Bueno
