Mayorya ng mga Pilipino ang handang ipaglaban ang Pilipinas sakaling magkaroon ng “conflict” o kaguluhan.
Batay sa pinakahuling tugon ng MAS survey ng OCTA Research, 70% ng mga respondent ang handang ipaglanban ang bansa, habang 30% naman ang hindi handa o undecided.
Naitala ang pinakamaraming “willing respondents” sa National Capital Region na 79%, na sinundan ng Balance Luzon, 73%.
Gayunman, mas mababa ang nasabing resulta nang walong puntos kumpara sa 78 percent noong Hunyo ng nakaraang taon.
Itinuturo na posibleng dahilan ng OCTA sa naturang pagbaba ay ang economic, political, at social climates ng bansa.
Isinagawa ang survey sa 1,200 respondents sa buong bansa, sa pamamagitan ng face-to-face interviews, mula Setyembre 25 hanggang 30.
