Suportado ni Davao City Mayor Sara Duterte – Carpio ang pagsasampa ng kaso ng kanyang kapatid na si Dating Davao Vice Mayor Paolo Duterte at asawang si Atty. Manases Carpio laban kay Senador Antonio Trillanes.
Ayon kay Duterte, karapatan nilang maghabla lalo’t sobra na ang ginawa ni Trilllanes sa kanyang kapatid at lalong lalo na aniya sa kanyang asawa na isang pribadong indibidwal.
Tama lang aniya ang pagsasampa ng demanda dahil paulit ulit na niyang sinabihan ang kanyang asawa na hindi ito dapat manahimik at palampasin ang mga sinabi ng senador.
Una nang iniugnay ni Trillanes ang mag bayaw dahil sa pagkaka ugnay di umano ng dalawa sa Davao group na sangkot sa smuggling activity sa Bureau of Customs.