Nilagdaan na ni Manila Mayor Isko Moreno ang P49.8 milyong pondo para sa mga manggagawa sa lungsod.
Sa ilalim ng Ordinance No. 8701 makatatanggap ng tig-P5,000 ang mga manggagawa sa Maynila na may job order contract o contract of service.
Ayon kay Moreno, ang naturang halaga ay bilang ayuda ng lokal na pamahalaan sa mga manggagawa para makatulong sa pang-araw-araw na gastusin lalo na at nakararanas ngayon ang bansa ng pandemya bunsod ng COVID-19.
Nabatid na magmumula ang pondo sa maintenance and other operating expenses accounts sa 2020 executive budget.