Humingi ng pahintulot si Davao City Mayor Rodrigo Duterte para makapasok sa Patikul, Sulu kung saan hinihinalang dinala ng mga suspek ang 3 dayuhan at 1 pilipinang dinukot nito sa Samal Island
Ayon kay Duterte, nais niyang makatulong para mailigtas kaagad ang mga bihag.
Naniniwala si Duterte na walang kinalaman sa pagiging pangulo ng isang mining firm ng isa sa mga banyaga sa pagdukot sa mga ito ng mga hinihinalang miyembro ng Tanum group ng bandidong Abu Sayyaf Group.
Una nang inihayag ni Duterte na may lapses sa intelligence information gathering matapos ihayag ng police officials doon na wala silang natanggap na impormasyon hinggil sa nasabing pagdukot.
By: Judith Larino
