Nilinaw ng United Broiler Raisers Association (UBRA) na may kakulangan na sa suplay ng manok sa bansa sa gitna ng napaulat na limitadong pagbebenta ng chicken orders sa ilang fast food chains.
Sa panayam ng DWIZ, ikinumpara ni UBRA President Attorney Bong Inciong ang sitwasyon noon taong 2003 kung saan nagkaroon din ng shortage sa suplay ng manok sa mga palengke, fast food chains at institutional buyers.
Ipinaliwanag naman ni Inciong na ang kakulangan sa suplay ng manok ay dahil sa COVID-19 pandemic, problema sa produksyon maging ang Disrupted Supply Chain.
