Nakatakdang ipatawag ng Senado ang negosyanteng si Charlie “Atong” Ang kaugnay sa naging pagbubunyag ni DWIZ anchor at Philippine Charity Sweepstakes Office o PCSO Board Member Sandra Cam.
Kaugnay ito sa kontrobersyal na magarbong Christmas Party ng PCSO noong isang taon na naglalaro sa anim hanggang sampung milyong piso na itinakda sa Enero 17, Miyerkules.
Ayon kay Senador Panfilo Lacson, Chairman ng Senate Committee on Games and Amusement, ipatatawag din sa naturang pagdinig si Cam gayundin sina Department of Interior and Local Government o DILG-OIC Eduardo Año at mga police regional directors.
Magugunitang inakusahan ni PCSO General Manager Alexander Balutan si Cam na nagpapagamit umano kay Ang na siyang kumikilos para makontrol ang Small Town Lottery o STL ng ahensya.
—-
