Kinumpirma ni Justice Undersecretary Ericson Balmes na nakalabas na ng bansa si Gerardo Gregorio Santiago, ang may-ari ng Gream Funeral Homes kung saan dinala ang Koreanong negosyanteng si Jee Ick Joo.
Sinabi ni Balmes na sa monitoring ng Bureau of Immigration (BI), lumipad na patungo sa Vancouver, Canada si Santiago noong Enero 11, 2017 sakay ng Philippine Airlines flight 118.
Sinabi ni Balmes na itinuturing nang person of interest sa kaso si Santiago na isang dating pulis at nakasama sa trabaho ni SPO3 Ricky Sta. Isabel.
Samantala, nakuha ng mga awtoridad sa loob ng punenarya ang isang golf set na gagawing ebidensya at positibong kinilala ng asawa na pag-aari ni Joo.
By Katrina Valle | Judith Larino | Report from: Bert Mozo (Patrol 3)
