Desperado na ang Maute terror group kaya gumagamit na lamang ng mga propaganda para palitawing malakas pa ang kanilang pwersa.
Ito ang inihayag ni Martial Law Administrator at Defense Secretary Delfin Lorenzana, matapos ang pagkalat ng mga selfie photos ng ilang miyembro ng Maute group habang hawak ang matataas na kalibre ng baril.
Ayon kay Lorenzana, bahagi lamang ito ng propaganda ng nasabing teroristang grupo para ipakitang hindi pa sila nauubos kahit aniya isang batalyon na ang nalalagas sa mga ito.
Tiniyak naman ni lorenzana na patuloy ang militar sa paglansag sa Maute teror group, alinsunod na rin sa kautusan ni Pangulong Rodrigo Duterte na durugin at walang itira sa mga ito.
By Krista De Dios | With Report from Aileen Taliping
