Sugatan ang isang babaeng senior citizen matapos maatrasan ng isang customized sports car sa Dapitan, Maynila.
Nakita sa CCTV ang ginawang pagharurot ng kotse at pag-iwan ng driver sa matanda na nakahandusay matapos ang insidente.
Nagawa namang makatayo ng biktima ngunit kinailangan itong isugod sa ospital.
Nais rin ng biktima na mahuli ang suspek at panagutin sa kaniyang kasalanan.
Sinabi naman ng pamunuang Barangay na bagamat hirap makita ang plaka ng sasakyan ay madali lamang matutunton ang suspek dahil sa kakaibang disenyo ng sasakyan na gamit nito. —sa panulat ni Hannah Oledan
