Nagpaabot ng pakikiramay ang Malakanyang sa mga naulila ni Dating Senador Edgardo “Edong” Angara.
Sa ipinalabas na pahayag ni Presidential Spokesperson Harry Roque, kanyang sinabi na nagdadalamhati ang Malakanyang sa pagkamatay ng isa sa pinakamagaling na lider at statesman ng bansa.
Dagdag ni Roque, mananatili sa mga mahahalagang pahina ng modernong kasaysayan sa politika ng Pilipinas ang mga malalaking naiambag ni Angara para sa pagtataguyod ng bansa.
Si Angara ay nakapaglingkod sa bansa mula ilang mga administrasyon sa iba’t ibang kapasidad kung saan ang pinakahuli ay pagkakatalaga dito ni Pangulong Rodrigo Duterte bilang Special Envoy to the European Union.
