Kibit balikat lamang ang Malakaniyang sa plano ng Naga City Council na magpadala ng resolution of indignation sa Palasyo ng Malakaniyang.
Ito’y ayon kay Naga City Mayor John Bongat ay para pagsabihan si Pangulong Rodrigo Duterte hinggil sa naging pahayag nito na hotbed o kanlungan umano ng shabu ang kanilang lungsod.
Ayon kay Presidential Spokesman Harry Roque, pagsasayang lamang ng oras, lakas at pondo ng bayan ang hakbang ng lokal na pamahalaan ng Naga.
Binigyang diin ng kalihim na kaya binitiwan ng pangulo ang gayung pahayag ay dahil batay iyon sa impormasyong ipinarating sa kaniya ng mga kinauukulang ahensya ng pamahalaan.
