Dapat magkaisa ang iba’t ibang sangay ng pamahalaan sa paghahanap ng katarungan para sa mga kabataang nasawi makaraang maturukan ng kontrobersyal na Dengvaxia vaccine.
Payo ito ng Malakaniyang sa gitna ng iringan ng Public Attorney’s Office (PAO) at ng University of The Philippines – Philippine General Hospital (UP-PGH)na kapwa nag-iimbestiga sa mga pagkamatay dulot ng naturang bakuna.
Ayon kay Presidential Spokesman Harry Roque, mainam na ipagpatuloy ng dalawa ang ginagawa nilang fact – finding investigation kahit pa maisampa na ng Department of Justice (DOJ) ang mga kasong kriminal laban sa Sanofi Pasteur at iba pang sangkot sa naturang kontrobersya.
Tiyak aniyang tatawa-tawa lamang ang Sanofi habang nagbabangayan ang mga ahensya ng pamahalaan na dapat ang layunin ay isulong ang interes ng publiko at hindi ang makakuha ng kaniya-kaniyang kredito o pagkilala sa usapin.
RPE
