Agad nagpaabot ng pakikiramay ang Malakaniyang sa pamilya ng mga biktimang nasawi sa malagim na aksidente ng bus sa Carranglan, Nueva Ecija.
Sa ipinalabas na mensahe ng palasyo, sinabi ni Presidential Spokesman Ernesto Abella, sisikapin ng mga rescue groups na masagip ang lahat ng mga biktima.
Tiniyak din ng palasyo na mapapanagot ang sinumang nasa likod ng malagim na aksidente kaya’t pinamamadali na nito ang isinasagawang imbestigasyon ng mga awtoridad.
Batay sa pinakahuling tala, umakyat na sa mahigit tatlumpu ang nasawi habang nasa tatlumpu rin ang sugatan nang mahulog sa bangin ang Leomaric Minibus sa nasabing lugar magtatanghali kahapon.
By: Jaymark Dagala / Aileen Taliping
