Dumistansya ang Malacañang sa rekumendasyon ng Commission on Human Rights na posibleng makasuhan si incoming President Rodrigo Duterte
Kaunay ito sa binitawang rape joke ni Duterte nuong panahon ng kampaniya na umani ng kabi-kabilang reaksyon mula sa publiko
Ayon kay Presidential Communications Secretary Sonny Coloma, wala pang nakararating na reklamo sa Office of the President kaya’t mas mainam munang huwag pangunahan ang usapin
Naunang inihayag ni DILG Secretary Mel Sarmiento na uubrang magsampa ng reklamo laban kay Duterte batay sa naging rekumendasyon ng CHR dahil sa paglabag sa Magna Carta for Women
Ngunit sinabi ni Coloma, naghihintay pa sila kung magsasampa ng reklamo hinggil dito ang DILG kaya’t sinabi nito na iwasan muna ang magpalutang ng ispekulasyon
By: Jaymark Dagala
