Malabnaw na kaso laban kay dating Pangulong Noynoy maaring umanong taktika lamang

Duda  ang  abugado  ng  SAF 44  na  baka  pakana  lamang  ng  Ombudsman  ang  pagsasampa  ng  “malabnaw” na kaso laban kay dating  Pangulong  Benigno “ Noynoy” Aquino III para  iligtas  ito sa  kasong  murder.

Sinabi sa  DWIZ  ni Atty. Ferdinand  Topacio, abugado  ng  pamilya  ng  SAF 44 na  taktika  lamang  ito ni Ombudsman Conchita  Carpio Morales  para  hindi na  masampahan ng  mas  mabigat  na  kaso si  Aquino.

Posibleng  moro moro  lang  ito  aniya  at  mahinang  kaso  para  kapag na-dismiss  ay  hindi na  maaari pang  kasuhan ni Pnoy  dahil sa  prinsipyo ng  double  jeopardy.

Pero sa  kabila nito, sinabi ni Topacio na  magsasampa  sila  ng  Motion  for  Reconsideration hanggang  Miyerkules  para  tutulan ang  mahinang  kasong  isinampa   dahil para sa  pamilya  ng  SAF 44, dapat panagutan ni Aquino ang  pagkamatay ng  44  na  SAF  Commando.

By: Aileen Taliping

Comments

comments