Magpapatupad ng road closure ang pamunuan ng Makati City sa ilang kalsada para sa nalalapit na paggunita ng Undas.
Ayon sa Makati Public Safety Department, sarado ang ilang mga kalsada mula 12:00 ng madaling araw ng Huwebes, Oktubre 31 hanggang 12 ng madaling araw ng Sabado, Nobyembre 2. Batay sa abiso, sarado ang:
- South Avenue, mula Metropolitan Avenue hanggang JP Rizal Street.
- Kalayaan Avenue, mula Zapote Street hanggang N Garcia Street
- Vito Cruz Avenue extension mula Zapote Street hanggang South Avenue.
Samantala, balik normal naman ang mga lansangan at traffic flow Linggo ng madaling araw, Nobyembre 3.
