Asahan parin ang mainit at maalinsangang panahon sa malaking bahagi ng Luzon lalo na sa umaga hanggang tanghali.
Posible namang magkaroon ng isolated rain showers o pulu-pulong mga pag-ulan, pagkulog at pagkidlat sa hapon hanggang sa gabi.
Ayon kay PAGASA weather specialist Obet Badrina, maaliwalas na panahon parin ang mararanasan sa malaking bahagi ng Kabisayaan kung saan, posible parin ang mga isolated rain showers o pulu-pulong mga pag-ulan, pagkulog at pagkidlat sa hapon hanggang sa gabi.
Makakaranas din ng mainit na panahon ang bahagi ng Mindanao lalo na sa umaga habang mataas naman ang tiyansa ng mga pag-ulan sa hapon hanggang sa gabi.
Wala paring nakataas na gale warning ang PAGASA kaya’t ligtas parin na makakapalaot ang mga kababayan nating mangingisda at maliliit na sasakyang pandagat.
Agwat ng temperatura sa Metro Manila ay maglalaro sa 25°C hanggang 33°C habang sisikat naman ang haring araw mamayang 5:26 ng umaga at lulubog naman ito mamayang 6:25 ng hapon.
