Naniniwala ang National Task Force Against COVID-19 na maipagpapatuloy ng susunod na administrasyon ang kanilang kampanya laban sa COVID-19.
Ito ang inihayag ni NTF Chief Implementer at Vaccine Czar Secretary Carlito Galvez Jr., kung saan umaasa siya na mapapanatili ng susunod na administrasyon ang maigting na pagbabakuna at COVID-19 response para madala ang bansa sa new normal.
Ani Galvez, nagawa ng NTF na tugunan COVID-19 pandemic na hindi nakokompromiso ang ekonomiya.
Patunay rito ang patuloy na pagbubukas ng mga negosyo dahil sa mababang quarantine status.