Mahigit P1-B ibinigay para sa 4Ps beneficiaries di nagalaw

Nabunyag na halos isa at kalahating bilyong piso ang hindi ginalaw ng mga benepisyaryo ng 4P’s o Pantawid Pamilyang Pilipino Program.

Batay sa report ng COA o Commission on Audit para sa 2016, natuklasan nilang mahigit sa dalawa sa kalahating milyong bank accounts ng mga benepisyaryo ng 4P’s ang mayroong laman na mula limandaang piso (P500) hanggang limampung libong piso (P50,000).

Pinuna ng COA na mula 2013 hanggang 2016 ay umaabot rin sa mahigit tatlong bilyong piso ang isinoli ng Land Bank of the Philippines sa Department of Social Welfare and Development o DSWD dahil hindi na-withdraw ng mga beneficiaries ng 4P’s.

Ayon sa mga COA auditors, pagpapakita ito na ilang benepisyaryo ng 4P’s ang hindi nangangailangan ng financial assistance.

Hinikayat ng COA ang DSWD na imbestigahan at magsagawa ng reassessment sa mga benepisyaryo ng 4P’s at tanggalin na ang mga hindi tunay na nangangailangan ng financial assistance.

Pinaalalahanin rin ng COA ang DSWD na dapat na nilang i-remit sa Bureau of Treasury ang mga hindi nagalaw na pondong isinoli sa kanila ng Landbank of the Philippines.

By  Len Aguirre

Comments

comments