Wala pang nakakasungkit sa tumataginting na 360 milyong pisong halaga ng jackpot prize sa lotto 6/58.
Ayon kay Philippine Charity Sweepstakes Office (PCSO) General Manager Royina Garma, binobola tuwing Martes, Biyernes at Linggo ang lotto 6/58.
Samantala, umabot naman sa 141 milyong piso ang jackpot prize sa lotto 6/55 na karaniwang binobola tuwing Lunes, Miyerkules at Sabado habang nasa 39 na milyong piso naman ang jackpot prize sa lotto 6/45 na binobola naman tuwing Martes at Linggo.
Sinabi naman ni Garma na dapat ay mas agahan ang pagtaya sa mga lotto outlet at sundin ang ipinatutupad na public health standards para maging ligtas laban sa nakakahawang sakit. —sa panulat ni Angelica Doctolero
