Aabot sa 525,000 Pisong halaga ng mga iligal na droga ang nasabat ng PDEA o Philippine Drug Enforcement Agency sa kanilang ikinasang buy bust operation sa Bacolod City.
Habang nadakip naman ang suspek na kinilalang si Nassir Mariga.
Ayon kay PDEA Region 6 Director Wardley Getalla, una nakabili ang kanilang undercover ng 25 gramo ng hinihinalang shabu kay mariga habang narekober sa tahanan nito ang 100 pang gramo.
Nakuha rin sa tahanan ng suspek ang isang shot gun, isang KG-9 submachine gun at mga bala.
Dagdag ni Getalla, matagal na nilang minomonitor si Mariga na nakakakuha umano ng suplay ng iligal na droga sa Mindanao at Cebu.
