Negatibo ang higit 700 mga depot personnel ng MRT-3 at Sumitomo sa coronavirus disease 2019 (COVID-19).
Ito ang lumabas na resulta matapos na isailalim ng mga tauhan ng Philippine Coast Guard (PCG) ang mga depot personnel sa rapid testing, kahapon, 18 ng Hunyo.
Magpapatuloy naman ang isinasagawang rapid testing sa iba pang mga empleyado na naka-assign sa depot, ngayong araw.
Nauna rito, nagpositibo sa nakamamatay na virus ang 15 manggagawa ng Sumitomo na maintenance provider ng MRT-3.
Dahil dito, sinimulan na ang contact racing sa mga nakasalamuha ng 15 tauhang dinapuan ng COVID-19.
Samantala, oras namang may mag-positibo sa isinagawang rapid test, agad naman itong isasailalim sa ikalawang pagsusuri o confirmatory test.
