Sapilitang inilikas ang mahigit 30 pamilya dahil sa banta ng landslide sa Barangay Agbatuan, Dumarao, Capiz.
Ipinabatid ni Esperidion Pelaez, Action Officer ng Provincial Disaster Risk Reduction and Management Office ng Capiz na gumalaw ang Ibinaong Sensor ng PHIVOLCS sa bundok na nagpapahiwatig ng landslide sa nasabing lugar.
Kasunod na rin ito aniya ng walang tigil na pag ulan at malawakang pagbaha sa lalawigan.
Ayon pa kay Pelaez, may nakita ring biyak sa lupa na unti unting lumalawak matapos putulin ang mga kahoy at palitan ito ng taniman ng mais.
Samantala, nanatiling baha sa mahigit 60 barangay sa Capiz dahil sa walang tigil na pag ulan.
Sa report ng PDRRMO, marami pang mga barangay road ang hindi madaanan ng kahit anong uri ng sasakyan.
