Nawalan ng tirahan ang aabot sa mahigit 20 pamilya matapos maganap ang sunog sa bahagi ng Gate 10, Barangay 20, Zone 2 Tondo, Maynila.
Base sa imbestigasyon ng mga otoridad, 10 bahay ang nilamon ng apoy matapos umabot sa ikalawang alarma ang sunog na nagsimula pasado alas-tres kahapon ng hapon sa ikalawang palapag ng bahay ng isang residenteng si Luis Bulan bago idineklarang fire out, alas- kuwatro ng hapon kahapon.
Wala namang naiulat na nasawi o nasugatan pero aabot sa 30 libong piso ang halaga ng danyos sa sumiklab na sunog.
