Aabot sa mahigit 1,000 empleyado ang mapapasama sa retrenchment program ng Okada Manila dahil sa epekto ng coronavirus disease 2019 (COVID-19) pandemic.
Ayon sa pahayag ni Takashi Oya, Okada Manila President, kailangan nilang magbawas ng tao dahil sa matinding pagkalugi na nasabing hotel at leisure company.
Sa June 15 umano magsisimulang magpadala ang kanilang management ng notice sa kanilang empleyadong kabilang sa retrenchment program.
Kasabay nito tiniyak ng Okada na makatatanggap ng kanilang separation pay ang lahat ng mga matatanggal na empleyado.
