Patay ang hindi bababa sa 100 katao matapos na bumagsak ang sinasakyan na mga ito na eroplano sa Havana, Cuba.
Ayon sa report, kalilipad lamang ng ilang minuto mula sa Jose Marti International Airport ng Boeing 737 Airliner nang tuluyan itong bumagsak.
May lulan na 104 na pasahero ang eroplano kasama ang 9 nitong mga dayuhang crew.
Tatlo sa nasabing bilang ang nakaligtas subalit nasa kritikal na kalagayan.
Binisita mismo ni Cuban President Miguel Diaz-Canel ang nabanggit na lugar at agad na pinag-utos ang mabilisang imbestigasyon sa insidente.
