Ginulantang ng pagsabog ang isang Army Checkpoint sa Bayan ng Guindulungan, Maguindanao, kagabi.
Dakong 6:30 nang maganap ang insidente sa National Highway sa Barangay Macasampen.
Ayon kay Joint Task Force Central Spokesman, Lt. Col. John Paul Boldomar, ilang miyembro ng lawless elements ang naghagis ng granada sa Army Detachment.
Dumaraan anya sa naturang lugar ang convoy ni Maguindanao Rep. Esmael “Toto” Mangudadatu nang maganap ang pagsabog.
Wala namang nasugatan sa insidente habang inaalam na kung anong grupo ang naglunsad ng pag-atake. —sa panulat ni Drew Nacino
