Nagpakawala ng tubig ang Magat Dam sa lalawigan ng Isabela bunsod ng walang tigil na pag – ulan dala ng hanging amihan.
Dakong alas diyes (10:00) kaninang umaga, umabot na sa 192.51 meters ang lebel ng tubig sa naturang dam o nasa 0.49 meters bago sumapit sa spiling level nito na 193 meters.
Sinasabing nagmula sa Cagayan Valley ang tubig na bumabagsak sa Magat Dam na naipon na dahil sa ilang araw na pag – ulan sa hilagang Luzon.
Dahil dito, nagbabala ang National Irrigation Administration o NIA sa mga residente sa mabababang lugar at malapit sa Magat River na maghanda sa posibleng mga pagbaha bunsod ng pagpapakawala ng tubig ng nasabing dam.
